به‌ مه‌رگێكیش ده‌مرم كه‌ مه‌رگی من  نییه‌

به‌ پێی هه‌واڵێك كه‌ له‌ ئاوای قوروچیای ناوچه‌ی له‌یلاخه‌وه‌ به‌ده‌ستمان گه‌یشتووه‌، شه‌وی ۴له‌ سه‌ر ۵ی ره‌زبه‌ر له‌ نێوان ئاوایه‌كانی قوروچیا و تاته‌ره‌شی، ئه‌شره‌ف حسین په‌ناهی ، برای دوو هاوڕێ پێشمه‌رگه‌مان ره‌فیق و ئه‌مجه‌د حسین په‌ناهی و هه‌روه‌ها برای ئه‌نوه‌ر حسین په‌ناهی هه‌ڵسووڕاوی مه‌ده‌نی كه‌ حوكمی ئێعدامی به‌سه‌ردا سه‌پاوه‌، به‌هۆی رووداوێكی نادیار و گوماناوییه‌وه‌ كه‌ ته‌رمه‌كه‌یان له‌ نێوان ئاوایه‌كانی ئاماژه‌پێكراو فڕێ دابوو،  تووشی وه‌ستانی مێشك هاتووه‌ و دواتر گوێزراوه‌ته‌وه‌ بۆ  نه‌خۆشخانه‌ی بێعسه‌ت له‌ شاری سنه‌ و ئێستا له‌ ژێر چاودێری پزیشكی تایبه‌ت دایه‌.به‌پێی ئه‌م هه‌واڵه‌، بڕیار وایه‌ بنه‌ماڵه‌كه‌ی  ئه‌مڕۆ ته‌رمه‌كه‌ی له‌ نه‌خۆشخانه‌ وه‌رگرنه‌وه‌. جێگای ئاماژه‌یه‌ ئه‌شره‌ف ته‌نیا كسێك بووه‌ كه‌ به‌دوای په‌روه‌نده‌ی ئه‌نوه‌ره‌وه‌ بووه‌. پێوه‌سته‌ بووترێ كه‌ ناوبراو به‌م بۆنه‌و چه‌ندین جار له‌لایه‌ن هێزه‌كانی ئیتلاعاته‌و بانگ كراوه‌ و هه‌ڕه‌شه‌یان لێكردووه‌ و پێده‌چێت هێزه‌كانی ئیتلاعات له‌م رووداوه‌دا ده‌ستیان هه‌بێت. جارێكی تر سه‌ره‌خۆشی له‌ دووهاوڕێی پێشمه‌رگه‌ و سه‌رجه‌م كه‌س و كاری و بنه‌ماڵه‌كه‌یان ده‌كه‌ین و خۆمان به‌ به‌شداری خه‌م و په‌ژاره‌یان  ده‌زانین.