کۆماری ئیسلامی مۆره‌کانی خۆی

بۆ دانانی سکاڵا له‌ سه‌ر ئه‌نوه‌ر حسین‌په‌ناهی هان ده‌دا

"بۆرۆژهه‌ڵات"رودوای ئه‌وه‌ی له‌ ئه‌نجامی ناره‌زایه‌تی به‌رینی چین و توێژه‌ جۆراوجۆره‌کانی کوردستان و به‌ تایبه‌ت خه‌ڵکی شاره‌دێی قۆریچا و سه‌رجه‌م ناوچه‌ی له‌یلاخی سنه‌، دادگای ئینقلابی کۆماری ئیسلامی ناچار بوو پێداچوونه‌وه‌ به‌ حوکمی ئیعدامی به‌ندکراوی کورد ئه‌نوه‌ر حسین په‌ناهی بکاته‌وه‌، ئێستا ئیتلاعاتی کۆماری ئیسلامی به‌ هه‌موو جۆرێک خه‌ریکه‌ سکاڵاکه‌ر له‌ سه‌ر ناوبراو بدۆزێته‌وه‌ و بۆ ئه‌م مه‌به‌سته‌ به‌ دانی پاره‌ و پوڵ و قه‌ول و به‌ڵێنیی جۆراوجۆر مۆره‌کانی خۆی له‌م ناوچه‌یه‌ هان ده‌دا تا سکاڵا له‌ سه‌ر ناوبراو تۆمار بکه‌ن یان له‌ دادگا دا شایه‌تی ئه‌وه‌ بده‌ن که‌ ئه‌نوه‌ر قه‌ستی کوشتنیانی کردووه‌.
سه‌رچاوه‌یه‌کی ئاگادار له‌ ناوچه‌ی له‌یلاخی سنه‌وه‌ وێڕای راگه‌یاندنی ئه‌م هه‌واڵه‌ به‌ بۆرۆژهه‌ڵات، ئاشکرای کرد که‌ مۆره‌ جۆراوجۆره‌کانی ئیتلاعات بۆ ئه‌م مه‌به‌سته‌ زۆر به‌ چڕی به‌ ناو خه‌ڵکی ناوچه‌دا ده‌گه‌رێن تا به‌ خه‌یاڵی خۆیان به‌ڵگه‌ له‌سه‌ر حسین په‌ناهی بدۆزنه‌وه‌ و به‌مجۆره‌ ئیمزای ئه‌و پێنج هه‌زار که‌سه‌ی ناوچه‌که‌ پوچه‌ڵ بکه‌نه‌وه‌ که‌ شایه‌تیان بۆ بێ‌تاوانیی ناوبراو داوه‌. سه‌رچاوه‌ی ئاماژه‌بۆکراو ئه‌وه‌شی ئاشکرا کرد که‌ له‌ درێژه‌ی ئه‌م هه‌وڵانه‌ی کۆماری ئیسلامی بۆ جێبه‌جێ کردنی حوکمی ئیعدام به‌ سه‌ر ئه‌نوه‌ر، تا ئێستا چه‌ندین جار بنه‌ماڵه‌ی ناوبراو بۆ ئیداره‌ی ئیتلاعاتی دێوڵان راکێش کراون و هه‌ر جاره‌ی به‌ کۆمه‌ڵێک هه‌ڕه‌شه‌ به‌ مه‌به‌ستی ده‌ستهه‌ڵگرتنیان له‌ هه‌وڵی رزگاریی کوڕه‌که‌یان، ئازادیان کردوون.

همگام و هم صدا یاد جانفشانان کشتارهای دهه 60 توسط رژیم جمهوری اسلامی را گرامی داشته و حافظه

 تاریخی جامعه را زنده نگه داریم !